منتديات ضوء القمر
مرحبا بك يازائر إذا كان لك حساب معنا أضغط دخول وإذا أردت الإشتراك أضغط تسجيل


مرحبا بك يا زائر في منتديات محمد يسرى
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
مرحبا بكم فى منتديات ضوء القمر ونتمنى لكم السعادة معنا

شاطر | 
 

 من اصعب الصدف ............................

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد يسرى



عدد المساهمات : 39
رتب : 121
الرتبة : 0
تاريخ التسجيل : 10/05/2009
العمر : 23

مُساهمةموضوع: من اصعب الصدف ............................   الجمعة مايو 22, 2009 12:03 pm

تكررت عقب البطا والتقينا=من عقب ما مرن سنينٍ طويلات
في صدفةٍ فيها حشا مادرينا=ولاهقينا نلتقي عقب مافات
لاشك جابتها الليالي وجينا=رغم الفراق ورغم ذيك المسافات
في موقفٍ بان التوتر علينا=لحظه تلين إبها القلوب القويات
قالت شلونك قلت ربك عوينا=الحمد لله عاضني عقب لوعات
الله رزقني في هنوفٍ تبينا=احيت خفوقٍ كان بإعداد الأموات
هي نور عيني فرحتي والضنينا=ألقابها عن ضيقة الصدر سجات
قالت سليت وقلت عقبك سلينا=لكن عقب مالاعنا الحب مرات
قالت شلون وقلت لاتسألينا=مافات فات ولا تفيد الحسوفات
قالت تكلم قلت مهما حكينا=الدمع ماينفع عزيزٍ اليا مات
قالت نسيت وقلت لاما نسينا=لكن قنعنا والقناعه من الذات
قالت أروح وقلت وش في يدينا=روحي عسى في كل خطوه سلامات
بصبر على فرقاك مهما حيينا=ولا تشوه صادق الحب زلات
قالت على ماكنت دنيا ودينا=تكرم ونكرم عن دروبٍ رديات
قلت اسمحيلي قبل لاترحلينا=يم الديار اللي علينا بعيدات
تراي ذخرٍ لاحدتك السنينا=اجيك مهما واجهتني صعوبات
من اليوم اخوك وغيرها ما بغينا=كلي فداك ان صار بالوقت ميلات
وتبسمت بإعجاب مدري حنينا=وتهشمت قدام عيني بعبرات
قالت فمان الله قلت انتهينا=واقفت تكلم نفسها بس بسكات
وقفت تقديرٍ لها ثم مشينا=دربٍ مشوه اهل القلوب العفيفات
امشي واردد ليتنا ماالتقينا=وش جابها عقب السنين الطويلات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من اصعب الصدف ............................
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ضوء القمر :: قاعة الشعر-
انتقل الى: